Atrás     PDF

García Valledor propòn la refundación de IX o la formación d`una fuerza política a partir de IX o la formación d`una fuerza política a partir de IX-Los Verdes-Bloque por Asturies, mediante la disolución de los tres partíos na simbólica fecha del 75 aniversariu de la Revolución d`Ochobre.

La verdá ye que la primer parte d`esti planteamientu teóricu -la desaparición de IX- creo que va dase sí o sí. Y paezme va ser a nun tardar, porque la meyor y única razón d`esistir de IX, ye diferenciase del PSOE, de forma qu`inclusive garra votos de xente que respira na política del PSOE.

Va pocos meses, IX podía facelo nun entrando nel Gobiernu, o si quería, entrando con digna parte del so programa per delantre y como conditio sine qua non. La única mala elección, la qu`abulta suicida, yera entrar nel gobiernu ensin condición dala, como´l siervu garra`l ramal o xunta les manes pa que l`amu xuba a caballu.

Había muncho que falar sobre les coses bones y males que traxo p´Asturies la Revolución d`Ochobre y, en xeneral, la so llucha sindical y d`izquierdes a lo llargo de tol sieglu XX. D`entrada ye un fechu que too xunto dexónos l`indiscutible vezu de mascaritanos d`izquierdes d`una forma abondo dañina y hasta espantible; dando-y al PSOE victoria tres victoria llueva, truene o relampaguie.

En cualquier casu, el resultau ye que vamos camín d`un bipartidismu murniu y escuru.