Atrás     PDF

L’asociación FAI!, que careció una faltona discriminación llingüística de la Conceyala de Cultura y Muyer, del Ayuntamientu de Llanera, convocó una concentración de rempuesta énte la Casa-Conceyu , pa una hora y día amañosos, na que nun se fizo presente nin un solu representante de les fuercies polítiques asturianistes y/o nacionalistes -nun tomando por tal a IU, que sí tuvo-, nin siquiera, lo qu’entá ye peor, de les milentes organizaciones cíviques, institucionalizaes o non, del mesmu o asemeyáu calter.

El qu’esto robla cuando lo vio plasmó, porque nun entiende qu’énte un fechu d’esta triba, grave y qu’humilda a toos, se dexe sola –o mal acompañada- a la víctima. Nun s’entiende si nun ye al traviés del llinguax foín col que s’escribe la mísere hestoria del cainismu.

Xurde Blanco Puente. Ciudadán d’Asturies.