Estatutu d'Autonomía de Castiella y Llión
L'Estatutu d'Autonomía de Castiella y Llión
aprobóse per Llei Orgánica 4/1983, de 25 de febreru, y constitúi la norma
institucional básica de la Comunidá Autónoma.
El testu aprobáu nel añu 1983, sufrió delles
modificaciones nos años 1994 (Llei Orgánica 11/1994, de 24 de marzu, de
Reforma l'Estatutu d'Autonomía de Castiella y Llión) y 1999 (Llei Orgánica
4/1999, de 8 de xineru, de Reforma de la Llei Orgánica 4/1983) que, ente otres
custiones, fueron incrementando les competencies de la Comunidá Autónoma en
materies llexislatives y d'execución.
El trámite parlamentariu de la cabera reforma del citáu testu estatutariu, entamóse a finales del añu 2006. El Congresu los Diputaos dio-y el vistu buenu el 30 d'ochobre de 2007 y tres de pasar pela Comisión de Comunidaes Autónomes del Senáu, la Propuesta de Reforma d'Estatutu d'Autonomía de Castiella y Llión aprobóse, ensin votu a la escontra dalu, pol Plenu del Senáu el día 21 de payares de 2007. El testu normativu publicóse nel Boletín Oficial del Estáu y darréu nel Boletín Oficial de Castiella y Llión númberu 234 del día 3 d'avientu de 2007, incluyendo una referiencia nel so Títulu Preliminar al conxuntu'l patrimoniu llingüísticu de la Comunidá, reconociendo asina la so riqueza y declarando per primer vegada la proteición específica de la llingua llionesa:
TITULU
PRELIMINAR
La Comunidá de Castiella y Llión
Artículu 5. La llingua
castellana y el resto'l patrimoniu llingüísticu la Comunidá.
1. El castellán forma parte
l'acervu históricu y cultural de más valir de la Comunidá, espardíu a tol
territoriu nacional y a munchos otros Estaos. La Xunta de Castiella y Llión
fomentará l'usu correutu del castellán nos ámbitos educativu, alministrativu
y cultural.
Asina mesmo, promoverá'l so
deprendizax nel ámbitu internacional n'especial en collaboración coles
Universidaes de la Comunidá, pa lo cualo podrá adoptar les midíes que
considere oportunes.
2. El llionés sedrá oxetu
de proteición específica por parte les instituciones pol so particular valor dientro'l
patrimoniu llingüísticu la Comunidá. La so proteición, usu y promoción sedrán oxetu de regulación.
3. Ha gociar de respetu y protección la llingua gallega nos llugares en que s'emplegue davezu.
> Estatutu d'Autonomía de Castiella y Llión (PDF).