Atrás PDF
El Seminariu de Filoloxía Asturiana de la Universidá d'Uviéu organizó ente los díes 6 y 9 d'ochobre de 2008 les Xornaes de Trabayu denomaes "Llabor en Tienda: tendencies nueves na llingüística asturiana", que tuvieron llugar na Facultá de Filoloxía nel Campus d'El Milán. «Llabor en Tienda» quier ser un alcuentru científicu y universitariu onde los investigadores asoleyen ante la comunidá universitaria (profesores, estudiantes, otros investigadores) los proyectos y iniciatives nos qu'agora mesmo tán trabayando, llogrando asina un sanu intercambiu de conocencies y afalando a los futuros investigadores del fechu llingüísticu asturianu a escazar per nueves llinies de trabayu.
La
xornada del martes 7 entamó cola comunicación de Lluis Xabel Álvarez, de la
Universidá d'Uviéu, sobre "LLingua Asturiana y cultura", a
les 10 de la mañana, pa finar a les 17,45 hores cola presentación por José
Ramón Gómez Molina, de la Universidá de Valencia, del Proyectu PRESEEA de
recoyida de llingua falada nel ámbitu hispanicu. A les 10,45 José Manuel Pérez
(profesor de Derechu Alministrativu de la Universidá d'Uviéu y miembru d'AXA)
presentó'l proyectu de derechu comparáu "L'asturianu ente les llingües
minorizaes europees".
> Más info nesta
entrevista al collaciu d'AXA José Manuel Pérez en La Nueva España.
> Páxina oficial de les Xornaes Llabor
en Tienda.