Modelu de Contratu Compraventa
Atrás PDF
En (...), a (...) de (...) de (...)
ACONCÉYENSE
Per un llau, D. (...), mayor d’edá, DNI (...) y domiciliu en (...).
Per otru llau, Dª (...), mayor d’edá, DNI (...) y domiciliu en (...).
INTERVIENEN
Les dos partes nel so propiu nome y derechu y reconócense de forma mutua capaciá llegal pa otorgar el presente CONTRATU COMPRAVENTA y, al efeutu,
MANIFIESTEN
I.-
Que D. (...) ye’l dueñu d’una vivienda allugada na cai (...), nu
(...), de (...).
II.- Qu’ambes partes pautaron facer la compraventa del mentáu inmueble, con arreglu a les siguientes
CLÁUSULES
PRIMERA.- D.
(...) viende y tresmite y Dª (...) merca y alquier pa sí mesma (o pa la so
sociedá de gananciales...) l’inmueble del que se fala nel Espositivu I
d'esti escritu.
SEGUNDA.- El preciu de la operación ye de (...) €, que la mercadora ha facer efeutivos d’esti mou:
a).- Pagará dafechu’l preciu nel plazu d’un añu qu’ha cuntase de magar se roble esti documentu, faciendo de mano una entrega de (...) €.
b).- El restu la cantidá, esto ye (...) €, en cuatro entregues parciales de (...) € caúna, cada tres meses a lo llargo del periodu añal conseñáu.
TERCERA.-
El non cumplimientu per parte la mercadora d’estes condiciones, llevará
apareyao’l desfaimientu'l contratu y tamién la perda de toles cantidaes
entregaes a cuenta'l preciu.
CUARTA.-
La escritura pública de compraventa fairáse en cuantes fine’l plazu d’un
añu del que fala la Cláusula SEGUNDA d'esti documentu.
QUINTA.-
Tolos gastos qu’orixine esti contratu y la postrer escritura pública, asina
como los que correspuendan a impuestos, incluyíu l'Impuestu sobre l'Incrementu'l
Valor de los Terrenos de Naturaleza Urbana (plusvalía), tarán a cargu de la
mercadora.
SESTA.- Les llaves entregaránse nel momentu del primer pagu a cuenta’l preciu de compraventa.
Lo
que tando d’alcuerdu dafechu roblen los aconceyaos nel llugar y data arriba
indicaos.
Robláu: (...)
Vendedor
Robláu:
(...)
Mercadora