Atrás    PDF

A LA UNIDÁ DE MEDIACIÓN, ARBITRAXE Y CONCILIACIÓN

(Profesional), en nome y representación de (sindicatu), según acreita per poder otorgáu énte l’Ilustre Notariu (...) con copia semeya depositada nesi organismu, y en nome y representación D. (...), mayor d’edá, con DNI (...), asitiáu a efeutos de notificaciones en C/ (...), preséntase énte esa Unidá de Mediación, Arbitraxe y Conciliación y como más acordies en Derechu proceda, DIZ:

Que per aciu d’esti escritu y acordies colo afitao nos artículos 63 y siguientes de la Llei de Procedimientu Llaboral, solicita celebrar ACTU DE CONCILIACIÓN SOBRE CANTIDÁ con:

- (empresa), asitiada en (...), con códigu de cuenta de cotización (...) y con CIF (...), que tendrá de presentase per mediu de la persona del so llegal representante o Direutor Xerente, col envís de que s’avenga a reconocer y dase por requerida sobro los siguientes estremos:

FECHOS

PRIMERU.- L’actor prestó servicios pa la empresa demandada, pente medies de contratu de trabayu, siendo l’actividá de la empresa (...). La so categoría profesional yera la de (...), recibiendo un salariu brutu diariu de (...). El centru de trabayu yera (nel llar de la empresa odireición que seya).

SEGUNDU.- Con fecha (...) principió la prestación de servicios en réxime llaboral para la conseñada mercantil, que s’allargó hasta’l (...), fecha na que’l trabayador causa baxa na empresa. De magar el mes de (...) nun se-y abonó nengún tipu de cantidá, nin salarial nin extra-salarial, en conceutu de retribución polos sos servicios.

Acordies colo anterior, y polos meses de: (...), y lliquidación, quedó a débese-y, por conceutos talos, la cantidá de (...) euros. Acordies colo afitao nel artículu 29.3 del Estatutu de los Trabayadores la cantidá que se-y debe devengará’l diez por cientu d’interés de demora, al nun s’afitar causa o motivu dalu que pudiere dar por xustificáu’l retrasu nel pagu de los mesmos.

TERCERU.- Que se requier al conciliáu pa que nel actu que s’interesa reconoza la esistencia de la delda conseñada y faga efeutiva al conciliante la cantidá de (...) EUROS polos conceutos enantes indicaos, a lo qu’habrá amestase l’incrementu del diez por cientu, alvirtiéndolu que, de nun lo facer, diráse a la vía xudicial que proceda.

Poro,

SOLICITA AL U.M.A.C. que, teniendo por presentáu esti escritu al empar que les sos copies, lu almita, marque día y hora pa la celebración del actu de conciliación, citándose a les partes y a la requerida de conciliación dándo-y treslláu de la copia d’esti escritu, y que nel so momentu disponga que se faga entrega al compareciente d’una certificación del acta.

(N´Uviéu, en Xixón, etc.) a (...) de (...)

Arriba     Atrás    PDF