AL
CONSEYERU DE XUSTICIA, SEGURIDÁ PUBLICA Y RELACIONES ESTERIORES DEL PRINCIPÁU
D’ASTURIES
D./Dª
(...), con DNI númberu (...), no so condición de Presidente del Aconceyamientu
de Xuristes pol Asturianu (AXA), asitiáu a efeutos de notificaciones nel séptimu
pisu, del númberu 22, cai Pérez de la Sala, d'Uviéu, preséntase y DIZ:
L’Asociación que presido ñació
cola finalidá de contribuyir al desaniciu de les torgues que se-y ponen davezu
al emplegu de la llingua asturiana n´actividá profesional de los xuristes y,
siendo asina, que la Conseyería de la que vusté ye cabezaleru, vien
espublizando delles convocatories nes que s'impón, pa poder presentáse,
l'emplegu de modelos de solicitú escritos namás en castellán, torgando a los
usuarios, pente ellos los miembros de l'asociación que represento, la posibilidá
d'exercitar un drechu que-yos reconoz l'artículu 4 de la Lley 1/98, de 23 de
marzu, d´usu y promoción del bable/asturianu, en relación col artículo 36.2
de la Lley 30/92, de 26 de payares, de Réxime Xurídicu de les Alministraciones
Publiques y del Procedimientu Alministrativu Común, los artículos 4 y 10.1.21
del Estatutu d'Autonomía d'Asturies y el Plan pa la Normalización social del
asturianu, afirmación qu'afiten los exemplos darréu:
- Resolución de 7 d'avientu
de 2005 (BOPA 30-12-2005), ufiertando sovenciones a comunidaes asturianes nel
esterior. Na base 1.4 desíxese presentar la solicitú "conforme al modelo normalizado anexo I" que contién
siete impresos (solicitú, ficha d'acreedores, declaración responsable, ficha
d'actividaes, ficha d'inversión, ficha de xustificaión y autorización) toos
ellos presentaos namás en castellán.
- Resolución de 28 de marzu
de 2006 (BOPA 15-4-2006) ufiertando sovenciones del Institutu Asturianu
d'Amparamientu de Riesgos Profesionales. Nel numberal 1 de la base sétima impónse
que "las solicitudes se ajustarán al
modelo que se reproduce en el Anexo I" onde
s'inxeren seis impresos (solicitú, tres declaraciones responsables, ficha
d'acreedores y fueya resume d'inversiones).
- Resolución de 4 d'abril de
2006 (BOPA 15-4-2006), ufiertando sovenciones del Institutu Asturianu
d'Amparamientu de Riesgos Profesionales. Nel numberal 2 de la base sétima impónse
que "las solicitudes se ajustarán al
modelo que se reproduce en el Anexo I" onde
s'inxeren seis impresos (solicitú, tres declaraciones responsables, ficha
d'acreedores y fueya resume d'inversiones).
Ye polo que-y
ENCAMIENTO: Que dea les órdenes
afayadices pa que nes venideres convocatories de sovenciones o cualquier otru
llamáu, nel que se imponga l'usu d'un modelu de solicitú normalizáu,
s'incluya, xunto col castellán, otru redautáu en llingua asturiana, col
envís de que l'alministráu pueda escoyer el que más-y preste y exercitar
asina'l drechu que tien reconocíu a dirixise a l'Alministración nuna u otra
llingua.
Ye xusto.
N'Uviéu, a (...)