L'Observatoriu de Derechos Llingüísticos (ODLL) ye'l Grupu de Trabayu d'AXA que venceya al so tradicional llabor a toes aquelles persones que, ensin ser xuristes, son quién pa ufiertar les sos aportaciones pa enanchar el llabor que se vien desendolcanbdo dende l'Asociación collaborando, principalmente, al traviés del ingratu trabayu de documentación de los casos de discriminación llingüística.

L'arrogante compromisu de Vítor Suárez Piñero, cristalizara nún primer borador d'informe, qu’atropaba yá de mano cientos de casos de discriminación llingüística, abarcando la dómina 1979-2009, con un total de más de doscientes páxines.

Pa da-y continuidá y consolidar esa primer aportación fundamental, encadarmóse dende esti grupu de trabayu un Rexistru de la Discriminación Llingüística n'Asturies (RDLLA), que tien dos versiones: una actualizable en llinia y otra, col formatu de trabayu cerráu, incluyendo observaciones, estudios sobre el material atropáu y conclusiones, que se pretende ufrir tamién traducida al acastellán ya ingles y dir ampliando, corrixendo y documentando en sucesives ediciones.

Anguaño, collaboren al traviés d'esti Observatoriu na confección del RDLLA les siguientes persones:

- Vítor Suárez Piñero
- Carlos Xabel Blanco Martín. Años 2002, 2004.
- Xurde Blanco Puente. Años 1982, 1983, 1984, 2009, 2010.

Dende AXA facemos un llamáu a sumase al llabor a cuantes persones quieran, al traviés de la Solicitú d'Aconceyamientu.