Atrás     PDF

El 18 de xineru la Direición de Política LLinguistica dIcía que nun recibiera nenguna petición d`información respeuto al Informe del Conseyu d’Europa. Agora, a la lluz la carta del Ministeriu d`Alministraciones Publiques recoyida pol Aconceyamientu de Xuristes pol Asturianu, dizse qu`esi dichosu papel nun apaez, y que`l non recibir petición d`información foi una pena, porque dende`l Gobiernu podíen apurrir informes bultables y positivos sobre l`aplicación de la Llei d`Usu, les inversiones presupuestaries, o la presencia del asturianu nos medios. En definitiva, un país d`ensuañu.

Na realidá, el Gobiernu d`Asturies, y particularmente`l so partiu políticu, rara vez pierde oportunidad de despreciar l`asturianu (na mayor parte de los casos con bien poca educación y nengun disimulu), nin d`oponese nos tribunales a cualesquier pretensión de amparu o xuiciu sobre los derechos de los sos falantes.

En xeneral, que nun digo en tolos casos, el PSOE y con él el Gobiernu d`Asturies manexense respeutu al asturianu nel mas altu grau de maldá; el de quien, nun contentu colo dañin que ye, amás, fái gala de la so maldá.

Pa mi nun ye`l casu de pedir dimisión nenguna, porque la solución pa la reconocencia del Asturianu como drechu nun ta nel actual Gobiernu; poro, poco mas dá que lu formen unes o otres persones. Amás, pidir güei dimisiones n`asturies, seique sería un llabor de tanta bayura pero tan ermu, como pedir silenciu na cadellada.