Atrás PDF
A
la atención de: Secretaría de S.A.R. el Príncipe d’Asturies
Secretaría
Xeneral de la Casa Real de so Maxestá el Rei
Palacio de La Zarzuela. Madrid
Sr.
Secretariu de S.A.R. el Príncipe d’Asturies:
La
nuesa Asociación de Xuristes (Aconceyamientu de Xuristes pol Asturianu), ta
dafechu comprometida na salvaguarda’l nuesu patrimoniu llingüísticu y na
defensa los derechos de los falantes d’asturianu y de gallego-asturianu.
Como
ensin dulda sabrá, el ricu patrimoniu llingüísticu asturianu tá en pelligru
real de desaniciu (asina lo reconoció apocayá la UNESCO) y dende la nuesa
Asociación entendemos que sedría de gran valir pa la sobrevivencia y prestixu
de la llingua propia l’usu d’ella por parte S.A.R el Prícipe d’Asturies,
en dalguna parte del so discursu d’entrega de los Premios que lleven el so
nome na nuesa ciudá, nel mes d’ochobre.
Persabemos
de la especial sensibilidá que los Príncipes amuesen pa con estes custiones,
faciendo davezu un usu normal, públicu y dignu d’otres llingües españoles
n’estremaos actos. Poro, cuidamos que nun diba ser difícil que-y pudieran
dedicar un migayín d’atención una vegada al añu a la llingua asturiana,
mesmo qu’atienden -arguyosos y con bien de ciñu, mos consta- pal restu les
nueses manifestaciones culturales. Nun dulden qu’a los ciudadanos d’esti’l
so Principáu-yos prestaría sobremanera sentir a los sos Príncipes
pronunciando delles de les perguapes palabres propies d’esta tierra.
Aguardando
la so pronta rempuesta a esta propuesta, reciba un saludu candial. Atentamente,
Xosé
Mª Estrada Janáriz
Presidente l’Aconceyamientu de Xuristes pol Asturianu