Un testu xurídicu vergoñosu: el proyeutu de "Reglamentu sobre presentación y receición d'escritos en bable/asturianu nel Rexistru de la Universidá d'Uviéu"

Xurde Blanco Puente
Aconceyamientu de Xuristes pol Asturianu
DATA: 01/06/09

Tres conocer, al traviés de los medios de comunicación, el proyeutu d’un “Reglamenteu sobre presentación y receición d’escritos en bable/asturianu nel Rexistru de la Universidá d’Uviéu”, dende l’Aconceyamientu de Xuristes pol Asturianu llamentamos que de la cimera institución académica del país surda un testu xurídicu tan probetayu, al empar qu’alvertimos, enantes de que pase a les páxines del BOPA, que tol conteníu del párrafu 3 y la parte cabera del 2, entrambos del artículo 2 del talu  Reglamentu, enxunto coles referencies a los mesmos notres partes del documentu, son nulos de planu por pretender aminorgar, nun testu reglamentariu, el conteníu d’un drechu –el d’empobinase al Principáu d’Asturies, de pallabra o per escritu, con validez a tolos efeutos, y ensin esceición dala per razón de la materia- proclamáu nuna llei, la 1/1998, d’usu y promoción del bable/asturianu (artículu 4), en claru incumplimientu del principiu de xerarquía normativa recoyíu nel artículu 9.3 de la Constitución.

N’Uviéu a 1 de xunu de 2009, pola Xunta Direutiva del Aconceyamientu de Xuristes pol Asturianu robla’l so Secretariu,
Xurde Blanco.

> Proyeutu de Reglamentu d'usu del bable/asturianu nel Rexistru de la Universidá d'Uviéu.

Arriba    Atrás    PDF