Atrás PDF
AL SR.
DELEGÁU
N'ASTURIES DEL INSTITUTU NACIONAL D'ESTADÍSTICA
Xosé María Estrada Janáriz, ciudadán titular del DNI númberu (...), na so condición de Presidente del Aconceyamientu de Xuristes pol Asturianu, asitiáu a efeutos de notificaciones nel séptimu pisu del númberu 22, cai Pérez de la Sala, d’Uviéu, tres someter el testu que sigue al preste de tolos miembros de la Xunta Direutiva de l’asociación, preséntase y DIZ:
Que´l “Nomenclator de rellación d’unidaes poblacionales” del Institutu que vusté preside entá nun contién el conxuntu de tolos nucleos poblacionales de los conceyos asturianos que se rellacionen darréu nin los topónimos oficiales de los más d’ellos, por más que fonon aprobaos acordies colos mandaos llegales y asoleyaos nel Boletín Oficial del Principáu d’Asturies (BOPA) pente medies de los Decretos que van na rellación darréu, ordenada pela antigüedá de l’aprobación de los mesmos, y qu’entama col nome tradicional del conceyu seguida, pal casu que nun coincida col oficial, d’ésti ente paréntesis:
- Carreño, Decretu
30/2005, de 21 d’abril (BOPA de 6 de mayu de 2005).
- El Franco, Decretu
31/2005, de 21 d’abril (BOPA de 6 de mayu de 2005).
- Llanes, Decretu
32/2005, de 21 d’abril (BOPA de 6 de mayu de 2005).
- Gozón, Decretu
72/2005, de 7 de xunetu (BOPA de 25 de xunetu de 2005).
- Llangréu
(Langreo), Decretu 73/2005, de 7 de xunetu (BOPA de 25 de xunetu de 2005).
- L.lena (Lena),
Decretu 74/2005, de 7 de xunetu (BOPA de 26 de xunetu de 2005).
- Villaviciosa,
Decretu 115/2005, de 17 de payares (BOPA de 2 d’avientu de 2005).
- Sariegu (Sariego),
Decretu 116/2005, de 17 de payares (BOPA de 2 d’avientu de 2005).
- Bimenes, Decretu
117/2005, de 17 de payares (BOPA de 2 d’avientu de 2005).
- Cabranes, Decretu
118/2005, de 17 de payares (BOPA de 2 d’avientu de 2005).
- Nava, Decretu
98/2006, de 3 d’agostu (BOPA de 25 d’agostu de 2006).
- Xixón (Gijón),
Decretu 105/2006, de 20 de setiembre (BOPA 3 d’ochobre de 2006).
- La Ribera (Ribera
de Arriba), Decretu 128/2006, de 21 d’avientu (BOPA de 8 de xineru de 2007).
- Colunga, Decretu
129/2006, de 21 d’avientu (BOPA de 8 de xineru de 2007).
- Amieva, Decretu
5/2007, de 31 de xineru (BOPA de 27 de febreru de 2007).
- Corvera (Corvera
de Asturias), Decretu 6/2007, de 31 xineru (BOPA de 27 de febreru de 2007).
- Grau (Grado),
Decretu 7/2007, de 31 xineru (BOPA de 27 de febreru de 2007).
- Noreña, Decretu
8/2007, de 31 xineru (BOPA de 27 de febreru de 2007).
- Ribedeva
(Ribadedeva), Decretu 27/2007, de 22 de marzu (BOPA 17 d’abril de 2007).
- Pezós (Pesoz),
Decretu 30/2007, de 29 de marzu (BOPA de 19 d’abril de 2007).
- Morcín, Decretu
36/2007, 12 d’abril (BOPA de 3 de mayu de 2007).
- Grandas de Salime,
Decretu 37/2007, de 12 d’abril (BOPA de 3 de mayu de 2007).
- Casu (Caso),
Decretu 52/2007, de 17 de mayu (BOPA de 4 de xunu de 2007).
- A Veiga (Vegadeo),
Decretu 61/2007, de 24 de mayu (BOPA de 21 de xunu de 2007).
- Llaviana
(Laviana), Decretu 281/2007, de 19 d’avientu (BOPA de 4 de xineru de 2008).
- Samartín del Rei
Aurelio (San Martín del Rey Aurelio), Decretu 3/2008, de 23 de xineru (BOPA de
7 de febreru de 2008).
Nun sabemos si nel plazu máximu al efecutu, marcáu pel artículu 76 del Real Decretu 2612/1996, los conceyos-y aportaron o non les revisiones del censu –dende llueu al Rexistru d’Entidaes Llocales del Ministeriu d’Alministraciones Públiques sí que lo ficieron porque les destremaes capitales y otres entidaes rexistables n’elli tanlo correchamente- pero, con too y con ello, de xuru que vusté, pasaos casi tres años dende la espublización de dellos de los Decretos, tuvo tiempu abondo pa facer un usu nada aventáu de la facultá de control que-y da l’artículu 78 del mentáu Real Decretu 2612/1996.
Sicasí, l’oxetu d’esti escritu nun ye sinón facer recordatoriu del desdexamientu nel que ta’l llabor de rexistru de toos y caún de los núcleos poblacionales de ventiseyes conceyos asturianos, coles apareyaes ya indeseyables consecuencies d’ello porque del “Nomenclator del Institutu Nacional d’Estadística” derívase l’emplegu públicu y priváu de la toponimia en toles xeres, pente elles les de señalización, información y direición.
Poro,
ENCAMIENTO-Y: La igua urxente d’esti estropiciu.
N’Uviéu, a ocho díes per andar del mes de febreru, añu de dos mil ocho.