Atrás PDF
AL SR. ALCALDE DEL CONCEYU DE (...)
Xosé María Estrada Janáriz, ciudadán titular del DNI númberu (...), na so condición de Presidente del Aconceyamientu de Xuristes pol Asturianu, asitiáu a efeutos de notificaciones nel séptimu pisu del númberu 22, cai Pérez de la Sala, d’Uviéu, tres someter el testu que sigue al preste de tolos miembros de la Xunta Direutiva de l’asociación, preséntase y DIZ:
Que´l “Nomenclator de rellación d’unidaes poblacionales” del Institutu Nacional d’Estadística entá nun contién el conxuntu de tolos nucleos poblacionales nin de los topónimos oficiales del conceyu que vusté preside por más que fonon aprobaos per Decretu de (...), asoleyáu nel Boletín Oficial del Principáu d’Asturies de data (...).
Nun sabemos si nel plazu máximu al efecutu, marcáu pel artículu 76 del Real Decretu 2612/1996, aportó o non al Institutu Nacional d’Estadística les afayadices revisiones del censu, nin lo qu’ésti fizo d’ello, nel so casu. Sicasí l’oxetu d’esti escritu nun ye sinón facer recordatoriu del desdexamientu –seya’l que fuere’l so orixe- nel que ta’l llabor de rexistru de toos y caún de los núcleos poblacionales d’esi conceyu y de les indeseyables consecuencies d’ello porque del “Nomenclator del Institutu Nacional d’Estadística” derívase l’emplegu públicu y priváu de la toponimia en toles xeres, pente elles les de señalización, información y direición.
Poro,
ENCAMIENTO-Y: Que faga les oportunes y urxentes xestiones pa iguar esti estropiciu, pente elles l’unvíu, magar seya per segunda vegada, al Institutu Nacional d’Estadística del censu poblacional cola oportuna correición del conxuntu de los núcleos y de la so denomación oficial vixente.
N’Uviéu, a ocho díes per andar del mes de febreru, añu de dos mil ocho.