Atrás     PDF

Del últimu artículu de la Direicion de Política LLinguistica del Gobiernu del Principau, sobre`l informe del Comité d`Espertos del Conseyu d`Europa, despréndense claramente delles confusiones ente lo que ye`l Conseyu d`Europa y lo que ye la Xunión Europea al falar de Comité d`Espertos de la Union Europea, o de Parllamentu Europeu.

Estos tracamundios, nun difíciles d`alcontrar, vuelvense inxustificables cuando, como ye`l casu, ye un gobiernu quien confunde dafechu organismos internacionales que, amás, traten asuntos bien importantes pa lo que se supón son los sos fines o competencies.

En verdá, nun mesmu espaciu xeográficu, l`européu, conviven dos organismos internacionales bien distintos. El Conseyu d`Europa foi fundàu en 1949, cuenta con 47 estaos miembros y 5 estaos observadores (Santa Sé, Estaos Xuníos, Canadá, Xapón, Méxicu ), y el so oxetu ye la defensa de los drechos humanos, la democracia, el respetu al drechu n’Europa, y la identidá cultural d`Europa y la so diversidá.

Por otru llau, otra cosa ye la Xunión Europea, bien conocida toos, y de la que los estaos miembros son también toos miembros del Conseyu d`Europa.

Ello ye que nun s´habia entumecer, y más siendo parte del gobiernu, Xunion Europea y Conseyu d`Europa, nin convién confundir el Parllamentu Europeu (órganu parllamentariu de la Xunión Europea qu`aconceya los 785 diputaos europeos elexíos por sufraxu universal), cola Asamblea Parllamentaria del Conseyu d`Europa, nin con el Comité de Ministros d`Asuntos Esterioes.

Por que, si los que se supón que dirixen, zarapiquen o nun saben bien per onde anden, entós yá ye l`acabóse.